Բանագնաց Թուրքիայից

Թուրքիայի նախագահ Աբդուլահ Գյուլը մարտի սկզբին Երեւան է ուղարկելու դիվանագետ Էրսին Էրչինին, որը Հայաստանի նախագահին է փոխանցելու նրա անձնական ուղերձը`ԵԱՀԿ գլխավոր քարտուղարի առաջիկա ընտրություններում պաշտպանել Էրչինի թեկնածությունը. տեղեկացնում է Haberturk-ը:

Թերթի տեղեկություններով` ԵԱՀԿ-ին անդամակցող 52 երկրից 25-ը Գյուլին խոստացել են, որ կաջակցեն Էրչինին:

Իր հերթին, Էրչինը համարում է, որ, այցելելով Երեւան, կվերացնի երկու երկրների միջեւ առկա հոգեբանական պատնեշները:

«Ես կներկայացնեմ միջազգային կազմակերպություն, այլ ոչ թե առանձին երկիր: Եթե ես հայ կամ հույն լինեի` կողմ կլինեի ԵԱՀԿ գլխավոր քարտուղարի պաշտոնում Թուրքիայի ներկայացուցչի ընտրությանը»,- ասել է նա:

Ի դեպ, ըստ թերթի, ի տարբերություն ԱՄՆ-ի, Ռուսաստանը եւ ԵՄ-ն դեմ են ԵԱՀԿ գլխավոր քարտուղարի պաշտոնում թուրք տեսնելուն: