Զոհվածերի թիվը Բրազիլիայում հասավ 765-ի

Ջրհեղեղների եւ սողանքների հետեւանքով զոհերի թիվը Ռիո դե Ժանեյրո նահանգում հասել է 765-ի: Առավելապես տուժել է Նովա Ֆրիբուրգու քաղաքը, որտեղ տարերքին զոհ է գնացել 355 մարդ:

Փրկարարները չեն կարողանում հասնել ջրհեղեղված որոշ շրջաններ եւ օգնություն ցույց տալ մարդկանց: Չի օգնում նույնիսկ այն հանգամանքը, որ Բրազիլիայի ղեկավարությունը տարերքի հետեւանքների դեմ պայքարում ներգրավել է նաեւ զորքը:

Ծննդյան տոներից առաջ Ռիո դե Ժանեյրո նահանգում սկսված անձրեւները ջրհեղեղի վերածվեցին այս տարվա հունվարի 10-ին: Շրջանում օրական տեղումները կազմում են մեկ ամսվա նորման: Օդերեւութաբանները կանխատեսում են, որ առաջիկա օրերին ջրհեղեղված շրջաններում դարձյալ տեղատարափ անձրեւներ կլինեն: