ՀՀԿ-ն պատրաստվում է Մեծ Խորհրդին

Այս պահին Հանրապետական կուսակցության գլխավոր գրասենյակում՝ Մելիք-Ադամյան փողոցի վրա, մեծ իրարանցում է: Ոստիկանությունը փողոցն ազատում է ավելորդ մեքենաներից, սահմանափակվել է անցորդների ելումուտը փողոց: Կուսակցության գրասենյակում շուտով կսկսվի ՀՀԿ խորհրդի նիստը, որտեղ, ինչպես այսօրվա մամուլի ասուլիսում հայտնել էր ՀՀԿ Աժ խմբակցության ղեկավար Գալուստ Սահակյանը, քննարկվելու է Երեւանի քաղաքապետի ընտրության հարցը: Չի բացառվում, որ քննարկվեն նաեւ կառավարությունում սպասվող փոփոխությունները: Դատելով Մելիք-Ադամյան փողոցում ոստիկանության ձեռնարկած միջացառումներից՝ ՀՀԿ խորհրդի նիստին մասնակցելու է նաեւ նախագահ Սերժ Սարգսյանը: