ԻՀՊԿ-ն հայտնել է Բահրեյնում ԱՄՆ ռադիոլոկացիոն կայանին hարվածելու մասին

Իրանի Իսլամական հեղափոխության պահապանների կորպուսը հարված է հասցրել Բահրեյնում տեղակայված վաղ նախազգուշացման ամերիկյան ռադիոլոկացիոն կայանին, հայտնում է Tasnim գործակալությունը։

«Սա լուրջ նախազգուշացում է թշնամուն՝ Հորմուզի նեղուցում իր օդային սադրանքներն ու նավթի մաքսանենգությունը դադարեցնելու անհրաժեշտության մասին։ Նմանատիպ խախտումների և ագրեսիայի գործողությունների կրկնության դեպքում ԻՀՊԿ Օդատիեզերական ուժերը գտնվում են լիակատար պատրաստվածության վիճակում՝ առանց սահմանափակումների գործելու համար», - ԻՀՊԿ-ի խոսքերն է մեջբերում Tasnim-ը։

Նշվում է, որ այս հարվածը պատասխան է դարձել Հորմուզի նեղուցի ափին գտնվող իրանական Սիրիկ քաղաքի հեռահաղորդակցության աշտարակի դեմ իրականացված գրոհին։

Ավելի վաղ հաղորդվել էր, որ Հորմուզի նեղուցի ափին՝ հարավային Հորմոզգան նահանգում գտնվող իրանական Սիրիկ քաղաքը ենթարկվել է «թշնամական գնդակոծության»։