Եվրոպացի առաջնորդները զանգահարում են Պուտինին՝ բանակցային գործընթացում տեղ զբաղեցնելու համար․ Լավրով

Եվրոպացի առաջնորդները զանգահարում են Ռուսաստանի նախագահ Վլադիմիր Պուտինին՝ «բանակցային գործընթացում տեղ զբաղեցնելու» համար։ Այս մասին հայտարարել է ՌԴ արտաքին գործերի նախարար Սերգեյ Լավրովը։

«Մինչև վերջ Եվրոպան հրաժարվում էր Ռուսաստանի հետ շփումներից, իսկ այժմ սկսել է խոսել դրանք վերականգնելու մասին։

Նյու Յորքում Գերմանիայի արտաքին գործերի նախարար Յոհան Վադեֆուլի հետ հանդիպման ընթացքում վերջինս նոր առաջարկներ չի ներկայացրել․ նա կրկին մեղադրել է Ռուսաստանին ագրեսիայի մեջ և պահանջել դադարեցնել այն»,-ասել է Լավրովը՝ հայտնելով, որ այսօր Նորվեգիայի վարչապետն ու Ֆինլանդիայի նախագահը սեփական նախաձեռնությամբ զրուցել են Պուտինի հետ։

Լավրովը նշել է, որ դեռ չի լսել զրույցի ձայնագրությունը, սակայն կասկածում է, որ կողմերն ինչ-որ նոր բան են քննարկել։

«Ինձ համար անհասկանալի է, թե ինչ դիրքորոշումներով է Եվրոպան ցանկանում մասնակցել բանակցություններին»,- ընդգծել է Լավրովը։