ԱՄՆ-ն չի ցանկանում ԱԲ ոլորտում սերտորեն համագործակցել Չինաստանի հետ՝ գաղտնիքները չբացահայտելու համար․ Թրամփ

Վաշինգտոնի վարչակազմը չի ձգտում Չինաստանի հետ սերտ համագործակցության արհեստական բանականության (ԱԲ) մշակման ոլորտում, քանի որ չի ցանկանում գաղտնի տվյալների բացահայտում: Այս մասին հայտարարել է ԱՄՆ նախագահ Դոնալդ Թրամփը:

«Մենք մեծ առավելությամբ առաջատարն ենք։

Ինչ-որ մեկն ասաց. «Եկեք համատեղ ձեռնարկություն ստեղծենք, եկեք համագործակցենք Չինաստանի հետ»: Բայց եթե մենք դա անենք, կբացահայտենք բազմաթիվ գաղտնիքներ, որոնք ունենք և որոնք նրանք կցանկանային իմանալ: Ինչպես և ցանկացած ուրիշը»,- պարզաբանել է Թրամփը՝ ելույթ ունենալով Վաշինգտոնում ԱԲ-ին նվիրված համաժողովում:

Ամերիկացի առաջնորդի կարծիքով՝ այս ոլորտում մրցակցությունն այժմ հիմնականում ընթանում է ԱՄՆ-ի և Չինաստանի միջև: