ՌԴ-ն վերահսկողության տակ է վերցրել Խարկովի մարզի Պեսչանոյե բնակավայրը

Ռուսաստանի զինուժը վերահսկողության տակ է վերցրել Խարկովի մարզի Պեսչանոյե բնակավայրը։ Այս մասին հայտնում է Ռուսաստանի պաշտպանության նախարարությունը։

Բնակավայրը վերահսկողության տակ է վերցվել «Հյուսիս» զորախմբավորման ստորաբաժանումների կողմից։

Միաժամանակ նշվում է, որ Ռուսաստանի բանակը զանգվածային հարված է հասցրել Ուկրաինայի ռազմարդյունաբերական համալիրի ձեռնարկություններին ու ռազմական օդանավակայաններին։

«Ի պատասխան Ուկրաինայի ահաբեկչական հարձակումների` Ռուսաստանի Դաշնության զինուժն այս գիշեր օդային և ցամաքային բազավորման բարձր ճշգրտության զենքերով, անօդաչու թռչող սարքերով զանգվածային հարված է հասցրել Ուկրաինայի ռազմարդյունաբերական համալիրի ձեռնարկություններին, որոնք տարբեր տեսակի հրթիռներ և դրանց բաղադրիչներ են արտադրում, ինչպես նաև ռազմական օդանավակայաններին։ Բոլոր օբյեկտները խոցված են», – ասվում է ռազմական գերատեսչության ամփոփագրում։