Այս գիշեր Գազա քաղաքին հասցված իսրայելական հարվածների հետևանքով զոհվել է 17 մարդ

Այս գիշեր Գազա քաղաքին հասցված իսրայելական հարվածների հետևանքով զոհվել է 17 մարդ, հայտնում է Al Jazeera-ն։

Բժշկական աղբյուրների համաձայն, զոհերի թվում է վեց մարդ, որոնք մահացել են այն բանից հետո, երբ իսրայելական ուժերը ռմբակոծել են դպրոցը, որը Գազա քաղաքից արևմուտք տեղահանված անձանց համար ապաստան էր դարձել։

Խոսքը «Ալ-Ֆարաբի» դպրոցի մասին է։

Գազա քաղաքի Շեյխ-Ռադվան թաղամասում առնվազն ինը մարդ, այդ թվում՝ չորս երեխա, սպանվել են իսրայելական զինված ուժերի կողմից վրանային ավանի և բնակելի շենքի վրա հարձակման հետևանքով։ Եվս երկու երեխա սպանվել է, երբ իսրայելական զինվորականները կրակել են Գազա քաղաքի Ռեմալ թաղամասում տեղահանված անձանցով բնակեցված վրանի վրա։