ԱՄՆ-ը հավատարիմ է միացյալ Չինաստանի քաղաքականությանը և դեմ է Թայվանի անկախությանը

Միացյալ Նահանգները չի աջակցում Թայվանի անկախությանը և հավատարիմ է մեկ Չինաստանի քաղաքականությանը. չորեքշաբթի ասել է Պետդեպարտամենտի խոսնակ Նեդ Փրայսը:

«Ես կցանկանայի ընդգծել, որ մենք չենք աջակցում Թայվանի անկախությանը և հավատարիմ ենք մնում մեկ Չինաստանի քաղաքականությանը»,- ասել է Փրայսը հերթական ճեպազրույցի ժամանակ։ Նա ընդգծել է, որ Վաշինգտոնի քաղաքականությունը կղզու նկատմամբ «չի փոխվել»։

Միաժամանակ Պետդեպարտամենտի ներկայացուցիչը հիշեցրել է, որ ԱՄՆ-ն ու Թայվանը «սերտ, ամուր հարաբերություններ ունեն», որոնք հիմնականում հիմնված են ասիական տարածաշրջանում անվտանգության պահպանման փոխադարձ շահերի վրա։