Ռուսաստանի առաջնահերթությունը Դոնբասի գրավումն է. Պենտագոն

Ուկրաինայի արևելքում ռուսական բանակի վերջին զորավարժությունները վկայում են այն մասին, որ Դոնբասի գրավումը առաջնահերթություն է դարձել ռուսական հրամանատարության համար։ BBC-ի ռուսական ծառայությունը գրում է, որ այս կարծիքին են հանգել Պենտագոնում։

Զեկույցի համաձայն՝ ամենաակտիվ առաջխաղացումը նկատվում է Խարկովի մարզում։ Անցած շաբաթվա վերջին ռուսական ստորաբաժանումները խորացել են հինգ կիլոմետր` Իզյումից հարավ-արևելք ընկած տարածքներ։

Ամերիկացի զինվորականները կարծում են, որ ռուսական բանակի կենտրոնացումը Դոնբասում կարող է ունենալ երեք բացատրություն՝ Ուկրաինայի զինված ուժերի ստորաբաժանումները շրջանցելու մտադրություն և նրանց տեղաշարժի կանխում ռազմական գործողությունների այլ տարածքներ, ապագա բանակցությունների համար հզոր հաղթաթղթի ձեռք բերում. ռազմական ռազմավարության ընդհանուր փոփոխություն, քանի որ ռուսական զորքերի կողմից Կիևի վրա հարձակվելու փորձեր դեռ չեն արվում։