Ուկրաինան հայտարարել է, որ Ռուսաստանը Հայաստանի ռազմաբազայից զորք է նախատեսում է տեղափոխել Ուկրաինա

Ռուսաստանի Դաշնությունը նախատեսում է Հայաստանում ռուսական բազայից առանձին ստորաբաժանումներ տեղափոխել Ուկրաինա` պատերազմելու։ Այս մասին ասվում է Ուկրաինայի զինված ուժերի գլխավոր շտաբի օպերատիվ տեղեկատվության մեջ` հրապարակված Facebook սոցիալական ցանցում։

«Շարունակելով ռազմական գործողություններին մասնակցող առանձին ստորաբաժանումների մարտունակությունը վերականգնելու փորձերը՝ Ռուսաստանի Դաշնության ռազմական ղեկավարությունը նախատեսում է Ուկրաինայի տարածք տեղափոխել Հայաստանի 102-րդ ռուսական ռազմաբազայից որոշ ստորաբաժանումներ»,- ասվում է զեկույցում։

Նշենք, որ ուկրաինական կողմը քանիցս հայտարարում է, որ ՌԴ-ն տարբեր երկրներից զորքեր է տեղափոխում Ուկրաինա՝ իբր ռազմական գործողությունների անհաջող ընթացքը փոխելու համար։