Թուրքիան «Բայրաքթար»-ների համար հրահանգիչներ է ուղարկել Ուկրաինա. Nordic Monitor

Nordic Monitor գործակալությունը գրում է, որ Թուրքիան, հավանաբար, իր անձնակազմին ուղարկել է Ուկրաինա՝ ռուսական ռազմական օբյեկտների ոչնչացման աշխատանքները ղեկավարելու։

Կայքը հղում է անում Ուկրաինայի զինված ուժերի գերագույն գլխավոր հրամանատարի կողմից համացանցում տեղադրված տեսանյութին, որում կարելի է լսել թուրք օպերատորների թուրքերենով խոսակցությունը, ըստ որի՝ անօդաչու թռչող սարք են ուղարկել բազայից ռուսական հրետանու ենթադրյալ կրակը խոցելու համար։ 

Ավելի վաղ ուկրաինացի պաշտոնյաները հայտնել էին, որ թուրքական ԱԹՍ-ների ներուժի մի մասն է միայն օգտագործվում, քանզի ուկրաինացիները դեռևս պատրաստված չեն ղեկավարել «Բայրաքթար»-ները: