Էրդողանի խորհրդականը ԱՄՆ պետքարտուղարի տեղակալի հետ քննարկել է հայ-թուրքական հարաբերությունների կարգավորումը

Թուրքիայի նախագահի ներկայացուցիչ Իբրահիմ Քալընը հանդիպել է ԱՄՆ պետքարտուղարի տեղակալ Վենդի Շերմանի հետ։

Հանդիպման ընթացքում նշվել է, որ Ուկրաինայում պատերազմը պետք է ավարտվի առանց հետագա ավերածությունների։ Պայմանավորվել են հետագա համատեղ ջանքերի մասին՝ բանակցություններն ավարտին հասցնելու համար։

Հանդիպման ընթացքում քննարկվել են նաև Սիրիայում, Լիբիայում և Աֆղանստանում խաղաղության և կայունության ապահովման, թուրք-իսրայելական հարաբերությունների, Թուրքիայի և Հայաստանի միջև հարաբերությունների կարգավորման գործընթացը։

Քալընը և Շերմանը քննարկել են Համատեղ ռազմավարական շրջանակի իրականացման համար ձեռնարկվելիք քայլերը։