Էրդողանը Ռուսաստանի հետ հարաբերությունները համարում է պատմության մեջ ամենախաղաղը

Թուրք-ռուսական ժամանակակից հարաբերությունները կարելի է անվանել պատմության մեջ ամենախաղաղը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը. հայտնում է ՏԱՍՍ-ը։

«Ռուսաստանի հետ մեր հարաբերությունները շարունակում են բավականին լավ զարգանալ։ Մենք ունենք խաղաղ հարաբերություններ, որոնք պատմության մեջ չեն եղել»,- ասել է թուրքական պետության ղեկավարը։

Էրդողանը չի բացառել նաև մոտ ապագայում այցը Մոսկվա կամ հերթական հեռախոսազրույցը ՌԴ նախագահ Վլադիմիր Պուտինի հետ։

Թուրքիայի ղեկավարը կրկին նշել է, որ Անկարան պատրաստ է միջնորդական ծառայություններ մատուցել Մոսկվային և Կիևին։ Միաժամանակ հավելել է, որ «Ուկրաինայի և Ռուսաստանի միջև պատերազմի ցանկացած փորձ լուրջ հարված կլինի ողջ տարածաշրջանի կայունությանը»: