Եվրամիությունը կաջակցի Արևելյան գործընկերության երկրներում իրականացվող բարեփոխումներին

Եվրամիությունը վերահաստատում է իր մտադրությունը՝ աջակցել Արևելյան գործընկերության երկրներում բարեփոխումների գործընթացին։ Այս մասին հայտարարել է Եվրամիության խորհրդի ղեկավար Շառլ Միշելը Արեւելյան գործընկերության երկրների ղեկավարների գագաթնաժողովից հետո կայացած մամուլի ասուլիսում։

«Գագաթնաժողովի երկրորդ տարրը հնարավորությունն է վերահաստատելու բարեփոխումների գործընթացին աջակցելու մտադրությունները, որոնք անհրաժեշտ են, որպեսզի այս գործընկերությունը կողմնորոշվի դեպի ապագան, դեպի բնակչության ակնկալիքները»,- ասել է նա։

Հիշեցնենք, որ նախօրեին Բրյուսելում ավարտվել է Արեւելյան գործընկերության երկրների ղեկավարների գագաթնաժողովը, որին մասնակցել են Եվրամիության, Հայաստանի, Ադրբեջանի, Վրաստանի, Մոլդովայի եւ Ուկրաինայի ղեկավարները։