Պեսկովն անդրադարձել է Բելառուսին Ս-400-ների մատակարարմանը

Բելառուսում ռուսական Ս-400 համակարգերի տեղակայման հնարավորության հարցը կլուծվի երկու պետությունների անվտանգության ապահովման շրջանակներում՝ ռացիոնալության տեսանկյունից. ասել է ՌԴ նախագահի մամուլի քարտուղար Դմիտրի Պեսկովը:

«Սա նպատակահարմարության խնդիր է՝ երկու պետությունների և մեկ Դաշնային պետության համատեղ անվտանգության շահերի ապահովման տեսանկյունից: Ղեկավարությունը համապատասխան որոշում կկայացնի»,- ըստ Gazeta.ru-ի՝ ասել է Կրեմլի պաշտոնական ներկայացուցիչը:

Պեսկովը չի նշել նաև Բելառուսին Ս-400-ի առաքման հնարավոր ժամկետները, ինչպես նաև այն, թե արդյո՞ք ռուսաստանյան անձնակազմը կսպասարկի համակարգերը, եթե դրանք տեղակայվեն հանրապետության տարածքում:

«Ռազմատեխնիկական համագործակցության թեման մշտապես առկա է ամենաբարձր մակարդակով ռուս-բելառուսական շփումների ընթացքում: Այս համագործակցությունը նույնպես կզարգանա»,- ընդգծել է նա: