Հռոմի Ֆրանցիսկոս պապը դուրս է գրվել հիվանդանոցից և վերադարձել Վատիկան

Հռոմի Ֆրանցիսկոս պապը հաստ աղիքի շրջանում վիրահատության ենթարկվելուց 11 օր անց վերադարձել է Վատիկան, որտեղ շուրջ երկու շաբաթ հանգստի և վերականգնման փուլի մեջ կլինի: Այս մասին հայտնում է vaticannews.va-ը:

Պատասխանելով լրագրողների հարցերի՝ Սուրբ Աթոռի մամուլի ծառայության տնօրեն Մատեո Բրունին նշել է, որ Վատիկան վերադառնալուց առաջ Պապը մեկնել է Basilica of Saint Mary Major, որտեղ Մարիամ Աստվածածնի սրբապատկերի առջեւ՝ իր երախտագիտությունն է հայտնել իր վիրահատության հաջողության համար եւ աղոթք է բարձրացրել բոլոր հիվանդների համար, հատկապես նրանց համար, ում հետ ծանոթացել է հիվանդանոցում գտնվելու ընթացքում: 

Տուն վերադառնալուց հետո կաթոլիկ աշխարհի սրբազան քահանայապետը թվիթերյան գրառում է կատարել՝ շնորհակալություն հայտնելով բոլոր նրանց, ովքեր այս օրերին աղոթել են իր առողջության համար: Նա նաև կոչ է արել չմոռանալ բոլոր նրանց, ովքեր հիվանդ են և ունեն աղոթքների կարիք: