Թալեաթ փաշայի մասին «Ցեղասպանության ճարտարապետը» գիրքը թարգմանվել է թուրքերեն

«Թալեաթ փաշա, ժամանակակից Թուրքիայի հայր, ցեղասպանության ճարտարապետ» վերնագրով գիրքը թարգմանվել է թուրքերեն:

Թարգմանության մեջ, որը որոշ թուրքական լրատվամիջոցները «սկանդալային» են որակել, թուրքերին վրդովեցրել է երկու հանգամանք. առաջինը «ցեղասպանության ճարտարապետ» արտահայտությունն է, երկրորդը՝ թուրքերենում «ժամանակակից Թուրքիայի հայր» արտահայտությունը փոխարինվել «իթթիհադիզմի ուղեղ» արտահայտությամբ:

«Թալեաթ փաշա, իթթիհադիզմի ուղեղ, ցեղասպանության ճարտարապետ» վերնագրով գրքի թուրքերեն տարբերակը թուրքերը որակել են որպես «այսպես կոչված ցեղասպանության մեղադրանքների քարոզ»:

Գիրքը հրատարակել է İletişim Yayınları անկախ հրատարակությունը, որը հայտնի է ցեղասպանության վերաբերյալ բազմաթիվ գրքերով։