Էրդողանը հայտարարել է, որ Թուրքիան կարող է դառնալ աշխարհի առաջատար 10 տնտեսություններից մեկը

Թուրքիան, որի իշխանություններն իրականացնում են աշխարհի մեգանախագծերի կեսից ավելին, ձգտում է հայտնվել աշխարհի առաջատար տնտեսությունների տասնյակում․ ըստ Anadolu-ի՝ փետրվարի 6-ին հայտարարել է Թուրքիայի նախագահ Ռեջեփ Թայիփ Էրդողանը`դիմելով Մալաթիա նահանգում Tohma կամրջի բացման արարողության մասնակիցներին:

«Թուրքիան նշանակալի արդյունքների է հասել բոլոր բնագավառներում։ Սա իշխանությունների կողմից իրականացվող քաղաքականության՝ ժողովրդի ակտիվ աջակցությունը վայելող և ժողովրդին ներգրավող, արդյունքն է»,- ասել է նա:

Էրդողանի խոսքով՝ երկրի իշխանությունները մտադիր են իրականացնել նոր խոշոր նախագծեր, որոնք երկիրը կներառեն աշխարհի առաջատար 10 տնտեսությունների տասնյակում: