Պուտինը Անվտանգության խորհրդի նիստում քննարկել է Ղարաբաղյան հակամարտության ընթացիկ իրավիճակը

ՌԴ նախագահ Վլադիմիր Պուտինը Անվտանգության խորհրդի մշտական անդամների հետ քննարկել է Ռազմավարական հարձակողական սպառազինության կրճատման և սահմանափակման հետագա միջոցառումների մասին պայմանագրի վերաբերյալ երկխոսությունը ՌԴ-ի ու ԱՄՆ-ի միջև, ինչպես նաև Ղարաբաղյան հակամարտության թեման. ըստ Ռիա «Նովոստի»-ի՝ հայտնել է ՌԴ նախագահի մամուլի խոսնակ Դմիտրի Պեսկովը:

Ըստ նրա՝ պայմանագրի թեմայով ռուս-ամերիկյան երկխոսության վերաբերյալ տեղեկություններ է ներկայացրել արտգործնախարար Սերգեյ Լավրովը:

Պեսկովի խոսքով՝ «խորհրդակցության մասնակիցները նաև կարծիքներ են փոխանակել Լեռնային Ղարաբաղի հակամարտության ընթացիկ իրավիճակի վերաբերյալ»: