Նավալնին պլանավորում է Ռուսաստան վերադառնալ․ NYT

Ռուս ընդդիմադիր գործիչ Ալեքսեյ Նավալնին գերմանացի դատախազին տեղեկացրել է, որ լավ զգալուն պես պլանավորում է Ռուսաստան վերադառնալ. գրում է The New York Times-ը՝ Գերմանիայի անվտանգության ծառայության աղբյուրներին հղումով:

Պարբերականի զրուցակիցը նշել է. «Նա ցանկանում է տուն վերադառնալ՝ Ռուսաստան, և շարունակել իր գործը»: Նշվում է, որ Նավալնին լիովին գիտակցում է իր վիճակը՝ թե ինչ է տեղի ունեցել և որտեղ է հիմա գտնվում։

Միևնույն ժամանակ, աղբյուրը տեղեկացրել է, որ Գերմանիայի դատախազության ներկայացուցչի հետ զրույցում Նավալնին հրաժարվել է մասնակցել իր հետ տեղի ունեցածի առնչությամբ ՌԴ-ի և Գերմանիայի համատեղ հետաքննությանը։