Փաշինյանը, ի զորու չլինելով հակադարձել քննադատություններին, դիմում է ոստիկանության և ԱԱԾ օգնությանը. Ա. Ղազինյան

«Մեկ Հայաստան» կուսակցության ղեկավար Արթուր Ղազինյանը իր ֆեյսբուքյան էջում գրում է.

«Կիրակի օրով ՀՀ ԱԺ ընդդիմադիր խմբակցության ղեկավարի տանը և կուսակցության այլ ղեկավարների տներում կազմակերպված խուզարկությունները այլ կերպ, քան քաղաքական բռնաճնշում, հնարավոր չէ որակել։

Փաշինյանը, ի զորու չլինելով բովանդակային հակադարձել հնչող քննադատություններին և մեղադրանքներին, անմիջապես դիմում է ոստիկանության և ԱԱԾ օգնությանը։

Երկրի օրինականությանն ու անվտանգությանը ծառայելու կոչված պետական մարմինները վերածվել են ընդդիմախոսների նկատմամբ քաղաքական բռնաճնշումներ իրականացնելու և Փաշինյանի ներքին վախերի ու հույզերի բավարարման գործիքների»։