Արտակարգ նախազգուշացում. Սոչիի նախալեռնային գոտում ուժեղ շոգ է ակնկալվում

Սոչիում արտակարգ իրավիճակի նախազգուշացում է տրվել շոգի պատճառով. նախալեռնային գոտում 37 աստիճան տաքություն է սպասվում՝ ըստ Ցելսիուսի: Այս մասին գրում է ՌԻԱ «Նովոստի»-ն՝ քաղաքի վարչակազմին հղումով։

Մասնավորապես, նշվում է՝ Սոչիում կորոնավիրուսի համավարակի պայմանների բարելավման ֆոնին շաբաթ բացվել են ամառային սրճարանները, ափամերձ հանգստավայրերը և այգիները: Մեկնարկել է նաև շատրվանների գործարկման ժամանակահատվածը, որը համընկել է քաղաքում տիրող շոգերի հետ:

«Արտակարգ նախազգուշացում: Առաջիկա ժամերին Սոչիի նախալեռնային գոտում ուժեղ շոգ է ակնկալվում: Օդի ջերմաստիճանը տեղ-տեղ կհասնի + 37 աստիճանի՝ ըստ Ցելսիուսի»,- ասվում է վարչակազմի հաղորդագրությունում։

Ըստ ՌԴ ԱԻՆ շրջանային վարչության տվյալների՝ Կրասնոդարի երկրամասում 4-րդ կարգի բարձր հրդեհավտանգ իրավիճակ է դիտվում: