Պուտինը Մայիսի 9-ի կապակցությամբ շնորհավորել է նախկին ԽՍՀՄ երկրների ղեկավարներին, Ուկրաինայի և Վրաստանի ժողովուրդներին

Ռուսաստանի Դաշնության նախագահ Վլադիմիր Պուտինը շնորհավորական հեռագրեր է հղել Հայրենական մեծ պատերազմում տարած հաղթանակի 75-րդ տարեդարձի կապակցությամբ նախկին ԽՍՀՄ երկրների առաջնորդներին, ինչպես նաև Ուկրաինայի և Վրաստանի ժողովուրդներին. այս մասին գրում է Կրեմլի պաշտոնական կայքը, հայտնում է Yerkir.am-ը։

Մասնավորապես, նշվում է՝ Պուտինը շնորհավորական ուղերձներ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի ղեկավարներին և քաղաքացիներին:

Միևնույն ժամանակ նա այժմյան սերունդների սուրբ պարտականությունն է համարել հայրենիքի ազատությունը պաշտպանած անձանց հիշատակը հարգելը:

Պաշտոնյան շեշտել է, որ սխրագործության ընդհանուր հիշողությունը նպաստելու է երկկողմ հարաբերությունների զարգացմանը: