ՌԴ ԶՈՒ-ն նախատեսում է Ս-500-ների առաջին խմբաքանակը ստանալ 2021 թվականին

ՌԴ Զինված ուժերը նախատեսում են ստանալ Ս-500 ԶՀՀ կայանների առաջին խմբաքանակը 2021 թվականին. այս մասին հայտարարել է ՌԴ ՊՆ փոխնախարար Ալեքսեյ Կրիվորուչկոն՝ «Национальная оборона» ամսագրին տված հարցազրույցում։

Ըստ նրա՝ պետական պայմանագրով նախատեսվում է Ս-500-ներ գնել 2021 թվականին՝ 2025 թ. մատակարարմամբ։

Կրիվորուչկոն նշել է, որ այժմ իրականացվում են նախնական փորձարկումները, «նյութական մասը գտնվում է հրաձգարանում»։

Վերջին մի քանի տարիներին Ս-500 ՀՕՊ համակարգերի մատակարարումը տարբեր պատճառներով հետաձգվում է։

«Պրոմեթևս» անունը ստացած համակարգերն ունակ են մինչև 600 կմ տարածության վրա թիրախ խոցել։ Ըստ զենքի մարտավարատեխնիկական բնութագրի՝ այն մի քանի անգամ գերազանցում է Ս-400-ներին։