Ադրբեջանական ընտրությունները կարող են օրինակ ծառայել այլ երկրների համար. Իլհամ Ալիև

Դիտորդների գերակշիռ մեծամասնությունը դրական է գնահատել ընտրությունները: Որոշներն էլ նշել են, որ դրանք կարող են օրինակ ծառայել այլ երկրների համար: Համարում եմ, որ ԵԱՀԿ Ժողովրդավարական հաստատությունների և մարդու իրավունքների գրասենյակը, ով միշտ մեր նկատմամբ կանխակալ վերաբերմունք է ունեցել, իր զեկույցում եղել է ավելի հավասարակշիռ և ավելի օբյեկտիվ, քան նախկինում, չնայած մենք ոչ բոլոր դեպքերի հետ ենք համաձայն. ըստ Yerkir.am-ի՝ Ադրբեջանի նախագահ Իլհամ Ալիևի խոսքերն է մեջբերում haqqin.az կայքը:

Ալիևը տարբեր եվրոպական կառույցներից և երկրի ներսում իրեն ուղղված քննադատություններին ի պատասխան նաև հայտարարել է, որ «ոչ մի երկրում էլ իդեալայան ընտրություններ չեն լինում»:

Չնայած, որ ԺՀՄԻԳ զեկույցում նշվում էին խախտումների և մրցակցային պայմանների բացակայության մասին, այնուամենայնիվ այդ զեկույցը բավական մեղմ էր գրանցված լայնածավալ ու կոպիտ խախտումների պարագայում: