Եվրախորհրդարանը կոչ է արել ՌԴ-ին` անհապաղ ազատ արձակել ուկրաինացի նավաստիներին

Եվրախորհրդարանը կոչ է արել ՌԴ իշխանություններին` առանց ձգձգումների և առանց նախապայմանների ազատ արձակել Ուկրաինայի ձերբակալված քաղաքացիներին, այդ թվում` 24 ուկրաինացի նավաստիների. հայտնում է РИА Новости-ն` ԵԽ հաղորդագրությանը հղումով:

Հիշեցնենք, որ անցյալ տարվա նոյեմբերին ուկրաինական նավերը խախտել էին ՌԴ սահմանը Կերչի նեղուցում և ձերբակալվել:

Մոսկվայում հայտարարում են, որ նավաստիները ռազմագերի չեն, խոսքը քրեական գործով անցնող անձանց մասին է, որոնց մեղքի բաժինը կորոշի դատարանը:

Ավելի վաղ հայտնել ենք, որ Ուկրաինայի նախագահ Վլադիմիր Զելենսկին, որպես ՌԴ-ի հետ բանակցությունները վերականգնելու նախապայման, նշել է հենց նավաստիների ազատ արձակումը: