Պոլսո պատրիարք ընտրելու համար «նախաձեռնարկ մարմին» են ընտրելու

Պոլսո հայոց պատրիարքի ընտրության աշխատանքները կազմակերպելու նպատակով նախաձեռնող խումբ ստեղծելու համար հուլիսի 17-ին ժողով է տեղի ունենալու Պոլսո հայոց պատրիարքարանում, տեղեկացնում է Ստամբուլի հայկական «Ակոս» պարբերականը:

Պոլսո հայոց պատրիարքարանը նոր պատրիարքի ընտրությունը կազմակերպելու նպատակով նախաձեռնող խմբի ստեղծման համար հրավեր է ուղարկել բոլոր շահագրգիռ կողմերին։ Պատրիարքարանի տարածած հայտարարության մեջ նշվել է, որ հուլիսի 4-ին Պոլսո հայոց պատրիարքական տեղապահ ընտրվելուն զուգահեռ սկսվել է նոր պատրիարքի ընտրության կազմակերպման գործընթացը, ինչի համար արդեն հուլիսի 17-ին պատրիարքարանում ժողով է լինելու։