Գինու ստուգումները կապված չեն Վրաստանում տիրող իրավիճակի հետ. Պեսկով

ՌԴ-ում վրացական գինու ստուգուները կապված չեն Վրաստանում ստեղծված իրավիճակի և ՌԴ-ի պատասխան քայլերի հետ: Այդ մասին լրագրողներին ասել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

Ավելի վաղ հայտնի էր դարձել, որ «Ռոսպոտրեբնադզոր»-ը հայտարարել է Ռուսաստանից Վրաստան  վրացական գինիների և ալկոհոլային այլ խմիչքների ներմուծման վերահսկողության ուժեղացման մասին` դրանց որակի վատթարացման հետ կապված:

«Այստեղ չկա որևէ քաղաքական կոնֆլիկտ, կանխարգելիչ քայլերի մասին է խոսքը` մեր քաղաքացիների անվտանգությունն ապահովելու նպատակով: ««Ռոսպոտրեբնադզոր»-ը կատարում է իր գործառույթները և ստուգում մեր երկիր տարբեր երկրներից  մատակարարվող ապրանքների որակը` մշտական հիմքով»,- նշել է Պեսկովը: