Ռոբերտ Քոչարյանի և իշխանության աջակից մեկական ցուցարարի ոստիկանները բերման ենթարկեցին

Վերաքննիչ դատարանի առջև այսօր՝ հունիսի 19-ին, հավաքված ցուցարարներից 2-ին ոստիկանները քիչ առաջ բերման ենթարկեցին ոստիկանության Շենգավիթի բաժին։ Նրանցից մեկը ՀՀ երկրորդ նախագահ Ռոբերտ Քոչարյանի աջակիցներից է, մյուսը՝ գործող իշխանության:

Ոստիկանության տեղեկացմամբ` բերման ենթարկված անձինք բաժնում են` խուլիգանություն կատարելու կասկածանքով: Այս պահին կատարվում է քննություն:

Հավելենք նաև, որ ավելի վաղ իշխանության աջակիցներից մեկը հայտարարություն տարածեց, թե ՀՀ երկրորդ նախագահի աջակիցները նրան աջակցում են գումարի դիմաց։ Տեղի ունեցավ ընդհարում, որին միջամտեցին տեղի ոստիկանները:

Այս պահին դատարանում շարունակվում է Ռոբերտ Քոչարյանի և մյուսների գործով վերաքննիչ դատական նիստը, հրապարակվում է ինքնաբացարկի մասին որոշումը: