Ոստիկանները բերման ենթարկեցին նաև ՀՅԴ ՀԳՄ անդամ Աշոտ Սիմոնյանին

Ոստիկանները հանրահավաքի մասնակիցների հանդեպ կիրառված բռնությունների շրջանակներում Ազատության հրապարակից քիչ առաջ բերման ենթարկեցին նաև ՀՅԴ Հայաստանի Գերագույն մարմնի անդամ Աշոտ Սիմոնյանին:

Հիշեցնենք՝ 17 կուսակցությունների խորհուրդն այսօր ժամը 13:00-ին հանրահավաք է հրավիրել Ազատության հրապարակում: Քաղաքական ուժերը պահանջում են վարչապետ Փաշինյանի հրաժարականը: 

Ոստիկանները հանրահավաքի կազմակերպիչներին և մասնակիցներին առայժմ խոչընդոտում են այցելել Ազատության հրապարակ:

Նրանք զանգվածորեն բերման են ենթարկում ինչպես հայտնի քաղաքական գործիչներին և առաջնորդներին, այնպես էլ մասնակիցներին:

Լրացում. ՀՅԴ ՀԳՄ անդամ Աշոտ Սիմոնյանն ավելի ուշ ազատ է արձակվել: