ՌԴ-ին մտահոգում է Ճապոնիայի և ԱՄՆ-ի ռազմական համագործակցությունը. Պուտին

ՌԴ-ին մտահոգում է Ճապոնիայի և ԱՄՆ-ի ռազմական համագործակցությունը: Այդ մասին ՌԴ նախագահ Վլադիմիր Պուտինն ասել է միջազգային տեղեկատվական գործակալությունների ղեկավարների հետ հանդիպման ժամանակ` Պետերբուրգի միջազգային տնտեսական ֆորումի շրջանակում. հայտնում է Газета.ру-ն:

Պատասխանելով Ռուսաստանի և Ճապոնիայի միջև խաղաղ պայմանագրի հարցում առաջընթացի մասին հարցին` նա նշել է, որ Մոսկվան դեռ չի ստացել իր հարցերի պատասխանները, օրինակ` Ճապոնիայի և ԱՄՆ-ի համագործակցության մասին:

«Մենք կասկածի տակ չենք դնում Ճապոնիայի` իր անվտանգությունն ապահովելու իրավունքը, սակայն բանակցություններ են հարկավոր, մենք պետք է բարձրացնենք վստահության մակարդակը»,- ասել է Պուտինը: