Կրեմլը մեկնաբանել է ԱՄՆ-ի հետ ռազմական դաշինք ստեղծելու Ճապոնիայի ծրագրերը

«Ճապոնիայի և ԱՄՆ-ի միջև դե ֆակտո ռազմական դաշինք արդեն գոյություն ունի, այդ ծրագրերում ոչ մի նորություն չկա», - լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է РИА Новости-ն։

Լրագրողներից մեկը հարցրեց, թե ինչ է մտածում Կրեմլը CNN-ին տված հարցազրույցում Ճապոնիայի վարչապետ Ֆումիո Կիսիդայի՝ ԱՄՆ-ի հետ պաշտպանական դաշինք ստեղծելու մտադրության մասին հայտարարության շուրջ։

«Այստեղ շրջադարձ չկա, փաստորեն, որպես այդպիսին, դե ֆակտո պաշտպանական միավորումն արդեն կա։ Եվ մենք գիտենք ԱՄՆ ռազմական ներուժի մասին, որը գտնվում է ճապոնական տարածքում, ի դեպ, մեր սահմաններին մոտ։ Սա միշտ եղել է մեր հիմնական խնդիրը՝ խաղաղության պայմանագրի խնդիրները լուծելու փորձերում։ Այս ամենը մնում է նույնը, այստեղ նորություն չկա»,- ասել է Պեսկովը։