Արդարացի կլիներ Սահակաշվիլիին վերադարձնել նրա ուկրաինական անձնագիրը. Պուտին

ՌԴ նախագահ Վլադիմիր Պուտինը հայտարարել է, որ արդարացի կլիներ  Օդեսայի նախկին նահանգապետ Միխեիլ Սահակաշվիլիին վերադարձնել նրա ուկրաինական անձնագիրը և վերականգնել խախտված իրավունքները. հայտնում է РИА Новости-ն:

Նա նաև ասել է, որ ուկրաինացիները և ռուսները միայն կշահեն, եթե ընդհանուր քաղաքացիութւոն ունենան:

Պուտինը մեկնաբանել է Ուկրաինայի նախագահական ընտրություններում հաղթած Վլադիմիր Զելենսկիի խոսքերը, որն առաջարկել է ռուսաստանցիներին ուկրաինական անձնագրեր տրամադրել: «Շատ լավ է, դա խոսում է այն մասին, որ մենք շատ ընդհանուր բան ունենք և կպայմանավորվենք»,- ասել է նա:

Հիշեցնենք, որ Պուտինը հրամանագիր է ստորագրել, որը նախատեսում է հեշտացված կարգով ՌԴ անձնագրի տրամադրում Դոնեցկի և Լուգանսկի քաղաքացիներին, ինչն առաջացրել է Ուկրաինայի դժգոհությունը: