Գարեգին Խումարյանն ի սկզբանե եղել է հավանական թեկնածուների ցուցակում. Արա Շիրինյան

 Գարեգին Խումարյանն ի սկզբանե եղել է հավանական թեկնածուների ցուցակում: Այս մասին Yerkir.am-ի հետ զրույցում ասաց Հանրային հեռուստառադիոընկերության խորհրդի նորանշանակ նախագահ Արա Շիրինյանը՝ անդրադառնալով Հանրային ռադիոյի տնօրենի թափուր հաստիքի մրցույթին դիմած Հռիփսիմե Առաքելյանի ֆեյսբուքյան գրառմանը:

«Ես հանձնաժողովի անդամ չեմ ու չեմ մասնակցել քվեարկությանը, իրենք են կայացրել այդ որոշումը»,- ասաց նա` հավելելով, որ մրցույթի թեկնածուները չպետք է իմանան` հայտնվե՞լ են հավակնորդների ցուցակում, թե՞ ոչ:

Հիշեցնենք, որ Հռիփսիմե Առաքելյանը ֆեյսբուքյան իր էջում ավելի վաղ գրառում էր կատարել` նշելով, որ Հանրային ռադիոյի նորանշանակ տնօրեն Գարեգին Խումարյանը մինչև երեկ չի եղել այդ պաշտոնին հավակնողների հնգյակում: