Պատանի սուսերամարտիկները 3 մեդալ են նվաճել միջազգային մրցաշարում

Մարտի 28-31-ը Վրաստանի Քութայիս քաղաքում կայացել է սուսերամարտի միջազգային մրցաշար, որում Հայաստանը ներկայացրել են 9 պատանի մարզիկներ:

Մրցաշարի հաղթող է դարձել խոցասուսերակիր Գրիգոր Մնացականյանը: Աիդա Ալոյանն էլ նույն զենքաձևում դարձել է բրոնզե մեդալակիր: Անի Դավթյանը ճկասուսեր ձևում է նվաճել բրոնզե մեդալ:

ՀԱՕԿ լրատվականի հետ զրույցում Հայաստանի սուսերամարտի ֆեդերացիայի գլխավոր քարտուղար Արթուր Սեդրակյանն ասել է, որ այս օրերին սուսերամարտիկները ուսումնամարզական հավաքներ են անցկացնում Գյումրիում և Ծաղկաձորում:

Պատանի և երիտասարդ մարզիկները նախապատրաստվում են ապրիլի 6-14-ը Լեհաստանի Տորոն քաղաքում կայանալիք աշխարհի առաջնությանը: