Պուտինը զանգահարել և աջակցել է Մադուրոյին

ՌԴ նախագահ Վլադիմիր Պուտինը երեկ հեռախոսազրույց է ունեցել Վենեսուելայի նախագահ Նիկոլաս Մադուրոյի հետ և իր աջակցությունը հայտնել նրան երկրում սրված ներքաղաքական ճգնաժամի պայմաններում. հայտնում է Կրեմլի կայքը:

Պուտինը նշել է, որ «ապակառուցողական արտաքին միջամտությունը» խախտում է միջազգային իրավունքի հիմնարար նորմերը և կոչ արել խնդրի լուծումը որոնել սահմանադրական դաշտի և երկխոսության շրջանակում:

Մադուրոն, իր հերթին, երախտագիտություն է հայտնել Պուտինին Մոսկվայի սկզբունքային դիրքորոշման համար:

Հիշեցնենք, որ Վենեսուելայում շարունակվում են նախագահ Նիկոլաս Մադուրոյի դեմ ցույցերը: Ընդդիմության առաջնորդ Խուան Գուաիդոն իրեն երկրի նախագահ է  հռչակել, նրան ճանաչել են ԱՄՆ-ը, Վրաստանը և այլ երկրներ: ԱՄՆ-ը հրաժարվում է կատարել Մադուրոյի պահանջը և դուրս բերել երկրից իր դիվանագետներին: