Թուրքիան ցնցված է հայտնի դերասանների ձերբակալման լուրով

Թուրքական թատրոնի և կինոարվեստի հայտնի դերասաններ Մեթին Աքփընարն ու Մուժդաթ Գեզենը բանտարկվել են հեռուստահաղորդման ժամանակ` ներքին պատերազմի և հեղափոխություն անելու մասին հայտարարությունների պատճառով. Այդ մասին տեղեկացնում է Ozguruz1-ը:

Նշվում է, որ հայտնի դերասանների նկատմամբ հետաքննություն է սկսվել Ստամբուլի գլխավոր դատախազ Իսմայիլ Ուչարի հրահանգով, սակայն ուշագրավ է, որ նրա հրահանգը հաջորդել է երկրի նախագահ Ռեջեփ Թայիփ Էրդողանի` «պատասխան են տալու» հայտարարությանը:

Ի դեպ, Աքփընարի և Գեզենի կալանավորման մասին լուրը  ցնցել է համացանցը: Թուրք օգտատերերը ապշած են, թե ինչպե՞ս կարելի է նման կերպ վարվել վաստակաշատ արվեստագետների հետ և խոչընդոտել ազատ խոսքի իրավունքին: