Կոսովոն առևտրային պատերազմ է սկսել Սերբիայի դեմ

Կոսովոն առևտրային պատերազմ է սկսել Սերբիայի դեմ Ինտերպոլին անդամակցելու անհաջող փորձից հետո: Այդ մասին, ըստ Газета.ру-ի, գրում է Bloomberg-ը:

Սերբիան  քարոզչությամբ իր կողմն է գրավել այլ երկրների, որպեսզի արգելափակի Կոսովոյի անդամակցումը Ինտերպոլին: Ի պատասխան Կոսովոյի փոխվարչապետի տեղակալ Անվեր Խոջայը 100 տոկոսանոց մաքսատուրքեր է սահմանել Սերբիայից ներկրվող ապրանքների համար և խոստացել լրացուցիչ քայլեր ձեռնարկել:

Նշվում է, որ Սերբիայի իշխանությունները մտադիր չեն պատասխան քայլերի դիմել, սակայն կատարվածը առևտրային պատերազմ են համարում:

Հիշեցնենք, որ Կոսովոյի ալբանացիները Պրիշտինայում 2008-ի փետրվարին միակողմանի  անկախացել են Սերբիայից: Սերբիան 2011-ից  բանակցում է  Կոսովոյի հետ` ԵՄ-ի միջնորդությամբ: