Էրդողանի դեմ պայքարում կաջակցենք Գյուլին. քրդամետ պատգամավոր

Թուրքիայի քրդամետ Ժողովուրդների դեմոկրատական կուսակցության պատգամավոր Զիյա Փիրը խոսել է արտահերթ նախագահական ընտրություններում Թուրքիայի նախկին նախագահ Աբդուլլահ Գյուլին իրենց կողմից հնարավոր առաջադրման մասին:

Ըստ DHA-ի՝  նա նշել է, որ քրդամետ կուսակցությունում Գյուլենին առաջադրելու պահանջ կա, իսկ եթե առաջադրվի, իրենք միայն կաջակցեն նրան: «Այդ պատճառով Թուրքիայի նախագահ Ռեջեփ Թայիփ Էրդողանի դեմ պայքարում նրան կաջակցենք»,- ասել է պատգամավորը։

Խոսելով նաև Թուրքիայում տեղի ունենալիք արտահերթ խորհրդարանական ընտրություններից՝ նա հայտնել է, որ իրենց կուսակցությունը չի պատրաստվում որևէ քաղաքական ուժի հետ դաշինք կազմել: