Հաճելի չէր. Թուրքիայի փոխարտգործնախարարը` արձանագրությունների չեղարկման մասին

Թեև Թուրքիայի և Հայաստանի միջև ստորագրված Ցյուրիխյան արձանագրություններն ուժի մեջ չեն մտել, ընտրություններից առաջ հայկական կողմի այդ քայլը հաճելի չէր. АПА-ի հետ զրույցում ասել է Թուրքիայի փոխարտգործնախարար Ահմեթ Յըլդըզը:

«Այդ պայմանագիրն ավելի ձեռնտու էր Հայաստանին, քան Թուրքիային: Նրանց գործն է: Միևնույն է՝ այս բոլոր տարիներին նրանք ցանկություն չեն դրսևորում կարգավորել Լեռնային Ղարաբաղի հակամարտությունը: Այդ կերպ նրանք ևս մեկ անգամ ցուցադրում են իրենց դիրքորոշումը: Մենք առաջին հերթին ցանկանում ենք, որ նրանք իրենց զորքերը հեռացնեն Ադրբեջանի տարածքից: Դա էր հակամարտության կարգավորման բանալին: Սակայն նրանք չցանկացան»,- հայտարարել է նա:

Հիշեցնենք, որ հայկական կողմն ի սկզբանե հայտարարել է, որ պատրաստ է հայ-թուրքական արձանագրությունների ստորագրմանը առանց նախապայմանների: