Մենք երբեք մեր դաշնակիցներին ընտրության առաջ չենք կանգնեցրել. ՌԴ փոխարտգործնախարարը` Հայաստան-ԵՄ համաձայնագրի մասին

ՌԴ արտաքին գործերի փոխնախարար Գրիգորի Կարասինը Коммерсантъ-ին տված հարցազրույցում անդրադարձել է նոյեմբերին Հայաստանի և Եվրամիության միջև Համապարփակ և ընդլայնված գործընկերության համաձայնագրի կնքմանը: 

 «Մենք մեր հարևաններին ու դաշնակիցներին վերաբերվում ենք որպես կյանքի ու արտաքին քաղաքականության վերաբերյալ սեփական հայացքներ ունեցող մարդկանց: Մեր հարևաններն ինքնիշխան պետություններ են, և դա վերաբերում է նաև ՀԱՊԿ-ի ու ԵԱՏՄ-ի շրջանակում մեր դաշնակիցներին: Հասկանալի է, որ ժամանակակից աշխարհում նրանք զարգացնում են բազմավեկտոր շփումներ, դա միանգամայն բնական է 21-րդ դարում: Մենք երբեք մեր հարևաններին ու դաշնակիցներին ընտրության առաջ չենք կանգնեցրել... Սակայն մենք իրավունք ունենք դաշնակցային հարաբերությունների առաջնահերթության հույս ունենալու»,- ասել է նա: