2019 թվականին Ռուսաստանն առաքելություն կուղարկի Մարս

2019 թվականին Ռուսաստանն առաքելություն կուղարկի Մարս մոլորակ, իսկ Լուսնի նոր ուսումնասիրության շրջանակում ռուսաստանցի մասնագետները կաշխատեն  վայրէջքներ կատարել Լուսնի բևեռներում: Այս մասին հայտնել է ՌԴ նախագահ Վլադիմիր Պուտինը Անդրեյ Կոնդրաշովի «Պուտին» ֆիլմում. հայտնում է Интерфакс-ը:

Պուտինը նշել է, որ Լուսնի այդ հետազոտությունը կտարբերվի ԽՍՀՄ-ի ժամանակ արված հետազոտություններից: «Մեր մասնագետները կփորձեն վայրէջք կատարել բևեռներում, քանի որ կան հիմքեր ենթադրելու, որ այնտեղ կարող է ջուր լինել: Այնտեղից կարելի է սկսել այլ մոլորակների և հեռավոր տիեզերքի ուսումնասիրությունը»,- ասել է ՌԴ նախագահը: