Բելգիայում Ցեղասպանությունը հերքելու պատճառով թուրք պատգամավորը զրկվել է պաշտոն ստանալու հնարավորությունից

Բելգիայի սոցիալիստական կուսակցության թուրք պատգամավոր Շևքեթ Թեմիզն իր կուսակցության կողմից թեկնածու է առաջադրվել Բելգիայի հայտնի հիվանդանոցներից մեկում խորհրդի նախագահի պաշտոնի համար:

Ըստ Marmara-ի՝ Բելգիայում հայկական և ասորական լոբբիների կողմից իրականացված գործողությունների արդյունքում թուրք պատգամավորը ստիպված է եղել հանել իր թեկնածությունը:

Այն ժամանակ, երբ ներկայացվել է Թեմիզի թեկնածությունը, ցեղասպանությունների ժխտման դեմ պայքարի ընկերակցությունը դիմում է ներակայացրել՝ նշելով, որ եթե նա անհապաղ չճանաչի Հայոց ցեղասպանությունը, նրա դեմ ցույցեր են կազմակերպվելու:

Թեմիզն իր հերթին հայտարարել է, որ ինքը նման քայլի չի գնա՝ նախընտրելով հրաժարվել իր թեկնածությունից: