Տիգրան Համասյանը Գյումրիում բարեգործական համերգ կտա

Նոյեմբերի 11-ին Գյումրու Վ. Աճեմյանի անվան պետական դրամատիկական թատրոնի դահլիճում համերգով հանդես կգա դաշնակահար Տիգրան Համասյանը։ Համերգն, ի դեպ, բարեգործական բնույթ է կրում`  համերգի ողջ հասույթը կփոխանցվի Գյումրու Վարդան Աճեմյանի անվան պետական դրամատիկական թատրոնի աջակցման հիմնադրամին։ Համերգը կազմակերպել է PROF Production ընկերությունը:

Հիշեցնենք, որ նախորդ տարի էլ Համասյանը բարեգործական համերգ էր տվել Գյումրու «Ֆանտաններ» կոչվող թաղամասում, և համերգի հասույթը փոխանցվել էր գյումրեցի երիտասարդների ակցիային, ովքեր ուզում են դրամահավաքի միջոցով բնակարաններ գնել 13 անօթևան ընտանիքի համար: