ՀՀ խորհրդարանը դատապարտեց Իրանում տեղի ունեցած ահաբեկչական ակտերը

 Շարունակվում է ԱԺ արտահերթ նիստը: Ընդմիջումից հետո ՀՀ ԱԺ փոխնախագահ Էդուարդ Շարմազանովը նշեց, որ տեղեկություն է ստացվել, որ մեր հարևան և բարեկամ Իրանի Իսլամական Հանրապետությունում խորհրդարանի շենքում և խմամ Խոմեյնի դամբարանի մոտ տեղի են ունեցել երկու ահաբեկչական գործողություններ, որոնց պատասխանատվությունը ստանձնել է «Իսլամական պետություն» ահաբեկչական խմբավորումը:

«ՀՀ խորհրդարանի անունից դատապարտում ենք այդ ահաբեկչական ակտերը, մեր համերաշխությունն ենք հայտնում Իրանի բարեկամ երկրին: Ահաբեկչությունը ազգություն և կրոնական ուսմունք չի ճանաչում: Բոլորս Իրանի ժողովրդի հետ ենք»,- ասաց Շարմազանովը:

ՀՀ խորհրդարանն իր աշխատանքները վերսկսեց մեկ րոպե լռությամբ: