ԱՄՆ Սենատի ներկայացուցիչները Թուրքիայից պահանջում են ներողություն խնդրել ծեծկռտուքի համար

ԱՄՆ Սենատի ներկայացուցիչներ Մարկո Ռուբիոն, Թեդ Քրուզը, Թոմ Քոթոնն ու Մայքլ Լին պահանջել են Թուրքիայից` ներողություն խնդրել Վաշինգտոնում Թուրքիայի դեսպանատան առջև կազմակերպված ծեծկռտուքի համար: 

Ըստ The Hill-ի՝ Սենատի ներկայացուցիչներն իրենց մտահոգությունն են հայտնել միջադեպի առնչությամբ:

Հիշեցնենք, որ  Թուրքիայի նախագահ Ռեջեփ Թայիփ Էրդողանի՝ ԱՄՆ այցի ընթացում նրա կողմնակիցներն ու թիկնապահները հարձակվել և դաժան ծեծի էին ենթարկել մի խումբ հայերի, հույների, եզդիների և քրդերի, որոնք խաղաղ ցույց էին իրականացնում Վաշինգտոնում Թուրքիայի դեսպանի կեցավայրի մոտ: Հարձակման հետևանքով 9 մարդ տարբեր վնասվածքներով տեղափոխվել էր հիվանդանոց, ըստ որոշ տեղեկությունների՝ 2 հոգի ձերբակալվել էր: