Ապահովել ՌԴ-ից զբոսաշրջության խթանումը. նոր հանձնարարական

Այսօր կառավարության հերթական նիստում ՀՀ վարչապետ Կարեն Կարապետյանը  զբոսաշրջության զարգացմանը վերաբերող հանձնարարական տվեց: Վարչապետի խոսքով՝ հունվարի 24-ին Մոսկվայում պաշտոնական այցի շրջանակներում հնարավոր է դարձել ՌԴ քաղաքացիների՝ առանց արտասահմանյան անձնագրի ՀՀ մուտք գործելը: Նա հանձնարարեց ԱԱԾ-ին` մինչև մարտի 1-ը ապահովել հարցի տեխնիկական լուծումները, որպեսզի դրանից հետո ՌԴ քաղաքացիները ներքին անձնագրով կարողանան մուտք գործել Հայաստան:

«Հանձնարարում եմ Զբոսաշրջության պետական կոմիտեին` այլ շահագրգիռ կառույցների և մասնավոր հատվածի հետ աշխատելով` ապահովել ՌԴ քաղաքացիների համար զբոսաշրջության ծառայությունների լայն փաթեթ»,- ասաց նա: