Ալեքսանդր Արզումանյանը չի բացառում Գագիկ Ծառուկյանի հետ համագործակցությունը

ԱԺ «Ժառանգություն» խմբակցության պատգամավոր Ալեքսանդր Արզումանյանը  Yerkir.am-ի հետ զրույցում նշեց, որ դեռևս չկա որևէ հստակություն և որոշակիություն իր հետագա քաղաքական գործունեության, համագործակցությունների վերաբերյալ, սակայն ասաց, որ քննարկումներ տարբեր քաղաքական ուժերի հետ ընթանում են: «Այս պահին դեռևս քննարկումների փուլն է: Քննարկումներ տարբեր քաղաքական ուժերի հետ ընթանում են, բայց որևէ հստակություն դեռևս չկա»,- ասաց նա:

Հարցին՝ համագործակցության վերաբերյալ քննարկումները վերաբերում են նաև Գագիկ Ծառուկյանի կողմից ստեղծվելիք դաշինքի՞ն, Արզումանյանը դրական պատասխան տվեց: «Բայց, կրկնում եմ՝ որևէ հստակություն չկա, հստակ չէ անգամ խորհրդարանական ընտրություններին մասնակցության հարցը»,- ասաց նա: