Յըլդըրըմը հավանություն է տալիս կանանց ուղղված «ռեպլիկներին»

Թուրքիայի վարչապետ Բինալի Յըլդըրըմն օրեցօր գերազանցում է ինքն իրեն՝ սկանդալային հայտարարություններ անելու առումով:

Յըլդըրըմն այս անգամ արձագանքել է Բայրամի ժամանակ կիսավարտիք կրող աղջկան հանրային ավտոբուսում ծեծի ենթարկելու միջադեպին: Միջադեպը դատապարտելու և նմանատիպ դեպքերը կանխելու ուղղությամբ նախաձեռնություններ կյանքի կոչելու փոխարեն նա, կարծես, արդարացրել է կատարվածը:

«Նորմալ մարդը նման բան չէր կարող անել: Հա, հնարավոր է՝ քեզ դուր չգա այդ երևույթը, քթիդ տակ կմռթմռթաս»,- ասել է նա:

Յըլդըրըմն այս հայտարարությամբ հերթական անգամ կարողացել է արժանանալ սեփական ժողովրդի քննադատություններին: Մի շարք կայքեր վարչապետի հայտարարությունը որակել են «սկանդալային»: